Selamat Datai / Welcome to My World
Ni kitak aki petara ini,
Ni kitak apai petara indai,
Aku ukai ngangau ngapa,
Aku ukai ngangau saja,
Saharitu aku ngagau ke kitai mayuh,
kitai banyak,
Minta usung, minta pandung,
Minta tela, Minta peda,
oooooo....hhhaaaaaaa
Tak lebih-lebih ku mantai ke seradak nyawa,
Tak genih-genih tudah diri nukang ke dabung geliga,
Laban enggau manuk banda kelapung tuntung,
Aku biau kitai ke sama sampal duduk betugung,
Aku sampi kitai ke sama begelumu duduk begenturung,
Ooooooo....
nama utai ke merenggong munyi renggong rimau taring,
nama utai ke bernaing munyi taing burung ensing,
Eeehhhh....
anang irau digenturung atau kandang dada,
anang risau diselepak kamai ati nyengenda,
Nya meh munyi jaku alu tuai rumah ke diasi ke ini andan,
Nya meh munyi sada kangau pemanca ke disagi aki landan,
Enti saharitu nuan datai,
Segi disambut kami ngena piring ngena ading,
Dipala tangga segi dianti kami ngena babi anak uting,
Ditengah ruai segi diancau kami tikai bemban disilup puting.
Enti pagila lusa ga nuan ngundang,
Anang meh nuan irau laban endang semampai dilambai,
Anang meh nuan risau laban endang semampai dikepai.
Neeeeiiiiiiii....
anang kitak irau tama nyingkang ke ruai,
laban kitak segi dibasa dianti berari enti ka nemuai,
Anang kitak merampau lalu meh ke tengah tikai,
laban kitak segi diasi ke kami nyadi temuai.
Ooooooohhhaaaa.....
Rumah pantak meh ngi kami,
nadai dientak ke tambak penti pemali,
Rumah panjai meh ngi kami,
nadai didiri ke pagar api,
Endang ari jeman segi enda kala dipeleba belachu tuchi.
Nya alai lalu meh ibu aya,
Nyadi meh rumah kami anang kitak nyima,
Ngajih ke kitai sama gerai ko selempandai,
Guru ko Sentuku,
Nadai apa ko Petara....
:::airmata keinsafan....segi aku beri ke kitak apai indai pemutus peresa ti pemadu manah.::
Saharitu, 7.30 pagi pengawa RESTU ILMU PMR SMKBR 2010 udah dipejadika di Dewan Sri Balai. Pengawa tu dipejadika ngambi bala anembiak ke ngambi PMR 2010 ti deka datai minggu dimua nyin ila.... Mayuh ga hati sida tebunsa ninga jaku ajar, jaku lalai bala pengajar ti betuai ke Pengajar Stainley Albert Aggu ngau Pengajar Tini Numpang serta Pengetua. Pia mega bisi datai bala pengajar ke ngajar sida form 3. Bala apai indai nembiak mega sama bela bisi datai... Aimata nyadi ke tanda keinsafan bala anembiak. Mayuh mega bala apai indai enda ulih ngetatka diri ari aimata ke ka labuh nelusur dagu......
Dalam pengidup kitai di dunya tu...bsi maya hujan turun enda temu maya. Bsi ga maya hujan trun ngau balat, bsi ga hujan ti semina memesi..bsi ga hujan nyala....Ney wai...kekadang kitai ngau enti hujan aja-aja, bsi ga maya kitai nganu ti hari lalu nadai hujan2...
Baka nya mega dalam pengidup kitai. Bisi maya kita ngasai cukup pedis....moral down....PUJI TUHAN!!!! nya tanda Tuhan bsi ngau kitai...IYA ka nguji kitai... awak ke meh aimta nyadi ke ganti hujan...ngambi ati lantang lega....
Segi baka ga kitai ga.... Enda berasai begulai bekaban... Bisi maya ga kita misah ari pangan diri... Nama kebuah kini enti maya kitai beserara kitai segi chukp penusah... Nya meh ko jaku orang, maya kitai benung begulai bisi ga maya kitai belaya..Tang nya meh ke nyadi pengingat kitai ti lebuh udah jauh ari pangan diri. Nya baru kitai ngasai semua utai kenya meh paling manis enti lebuh ati tekenang ka.....
Halu semua bala kaban. Minta ampun mayuh-mayuh laban rumah panjai aku tu nyau berupai repa amat diatu. Kebuah pia laban aku tu jarang amai ulih pulai nemuai ke menua diri. Nama berita baka taun tu kini kita semua???? Bisi isur kini sepengudah ke nyau semak dua bulan udah ngelunggah taun 2010????
Tu meh anak-anak bangsa kitai ke ka niri negi ke menua enggau bangsa.
hahaa..... Tu meh gaya bujang berani kempang enda sangu hati nyingkang ke menalan taja nyawa nyadi ke ganti.... Lebuh latihan Nembak di Lapang Sasar Sempadi, Lundu.
:::airmata keinsafan....segi aku beri ke kitak apai indai pemutus peresa ti pemadu manah.::
